السلام عليكم ورحمه الله وبركاته:.
انا امبارح عملت جلاش بالبسبوسه كلمه روعه قليله عليه والله يابنات نفسي كلكم تجربوة فعلا جميل اوي وطعمو مختلف عن اي جلاش كلتو سواء بمكسرات او بمهلبيه ان شاء الله يعجبكم اولا ممكن اي بسبوسه عندك مش شرط طريقه معينه بس انا امبارح عملت بسبوسه روعه روعه بطريقه العضوة الجميله فريده ف كل شئ
بجد كلمه روعه قليله ع بسبوسه
زي ال بنشتريها بظبط
عجبتني جداً وياريت كلكم تجربوها
انا بشكر العضوة فريده ع مجهودها الجميل ف القسم هنا ووصفاته الروعه ربنا يكرمها يارب 
ودي طريقه البسبوسه:.
المقادير الجافه مع بعض
نصف كيلو دقيق سميد وملعقه صغيرا بيكنج بودر..2 ملعقه جوز هند او اكتر حسب رغبتك
المقادير السائله:.
كوب الا ربع سكر ونصف كوب مياه وربع كوب عسل نحل وربع كوب سمنه او زيده زي ماتحبي بس تكون سائله سيحيها يعني مش مجمده
هنحط المكونات الجافه وبعدين نحط المكونات السائله مع بعض
ونضربهم شويه بعد كده نحط المكونات كلها ع بعض ونحاول مش نعجن يعني نحاول نخليهم يتجانسو مع بعض بس وبلاش عجن
ونحطها ف الفرن وده شكلها
انا عملت الشيره
هتكون 2 ونص كوب سكر و4 مياه وعصره ليمون وع نار
لازم يكون خفيف واول ماتطلع من الفرن البسبوسه نحط العسل عليها بسرعه ونغطيها ونحطها شويه ف الفرن وهو مقفول عشان تكون طريه دي كانت نصيحه الفتوكه جميله فريده ف كل شئ وفعلا طلعت طريه وجميله
دي كانت بسبوسه..عملتها وحشيتها بالجلاش
نخش ع طريقه جلاش
هنجيب لفه جلاش
ونجيب سمن او زبده
هناخد الجلاش نقطعو مربعات وندهنو بزبده او سمن وبعدين نحط البسبوسه من ال عملتيها تحطي قطعه وونلف ونحطها ف صينيه مدهونه زيت وفالفرن علطول
ولما تطلع نحط عليها العسل
انا عملتو خفيف زي بتاع بسبوسه عشان البسبوسه فيها عسل فاحبيت يكون العسل بتاع الجلاش خفيف ومش كتير يعني سقيتها شويه مش غرقتو
وده شكلو
بصراحه طعمو جميل اوي
جربوة هتحبووووووووة
ع فكره انا عاوزه اقول كللمه بس
انا لما بعمل اي موضوع مش ببخل عليكم ف الوصفه وبصورها وبحمل الصور من الموبايل وبعدين بحملها هنا وكل ده عشانكم ليه انتو بتبخلو عليا بالرد
مع انكم بتكونو تحت كتير جداً دخلين موضوعي وتلاقي 3 او 4 بيردو بس
طب ليه بتتفرجي وتمشي يافتوكه من غير ماتقوليلي رايك
انا بجد بزعل من كده وبحس اني مش عاوزه انزل اي وصفه تاني بسبب كده 
منتديات نساء نت :: 
جلاش بالبسبوسه ..وبسبوسه كمان من مطبخي بالصور مشتقالك الامورررره
บ้าน 
Wed Feb 27, 2013 8:59 pm
