أقسام الطبخ

تاريخ التسجيل : 05/02/2013

اللهم صلي وسلم علي سيدنا محمد
ازيكم يافتوكاتي
النهارده جايبه لكم المهلبيه بالشكولاته او الدانيت انما ايه حكاااايه هتعجبكم اووي ومقاديرها بسيطه جداا متوفره عندنا كلنها في البيت
ده شكلها عشان افتح نفسكم

نيجي للمقادير علي طول
3 كوب حليب سايل اي نوع تحبيه
3 معاق كبيره نشا
4 معالق كبيره سكر
2 معلقه كاكاو
شوفتوا بسيطه ازاي

الطريقه

ادي الحليب بتاعي

نضيف ليه كل المقادير السابقه

وبالمضرب السلك بتاعي نضرب كويس اووي لحد ما يدوبوا كويس عشان مش يكلكع وممكن تضربيه في لاالخلاط لو حسيتي كلكع معاكي

هنا داب كويس اهو

نحطه علي نار هاديه اووي افضل اقلب علي طول عشان مش يلصق ولا يكلكع

لما بدء يسخن ضيفت قطعتين شوكلاته ده اختياري يعني ممكن تستغني عنها

بالتقليب المستمر شوفوا بدء يتقل اهو

هنا خلاص تقل وغي معايا اطفي عليه واصحطه في الاطباق

دي الكميه كلها

نبتدي نزين الوش بتاعي
ده حطيت عليه شوكلاته مبشوره

وده بسكوت مطحون

وده مكسرات وانتي طبعا ممكن تضيفي اي حاجه تانيه تحبيها

هنا كله مع بعضه

ودي معلقه عشان تشوفوا قوامه تحفففه بجد

وكمان

وبس كده ياحلوين بجد طعمه رهيييب ومختلفش عن الجاهز ابدااا
يارب موضوعي يكون عجبكم واتمني تجربوا وتدعولي
وعاوزه بقه ردودكم الحلوه ياقمرات والتقييم لو الموضوع يستاهل
وفيه مواضيع كتير في توقيعي ان شاء الله تعجبكم
في امان الله ياقمرات