اللهم صلي وسلم وبارك علي سيدنا محمد
ازيكم يافتاتيكي يارب تكونوا بخير يارب
قبل كده نزلت لكم تشيز الزبادي من مطبخي والحمد لله عجبكم وفيه كتير جربوه وعجبهم
وده اللينك بتاعه للي ماشافتهوش
النهارده بقه جايبه لكم حاجه كده حلوه من مطبخي تقدري تقولي تشيز كراميل انما ايه مالهاش حل تحففففففففه بمعني الكلمه وخصوصا بقه مع فنجال قهوه عربي تكون ايه خطيررررره والاحلي كمان انه سهل جدا مش هيحتاج منك اكتر من ربع ساعه
وده طبق علشان افتح نفسكم
يلا ياحلوين علي المكونات
2 علبه كريم كراميل ( انا بستخدم البودر بسسسس )
معلقه صغيره نسكافيه
علبه قشطه
حليب ( استخدمت كوبايتين بس )
رشه كاكاو
قطعه زبده
وبس كده شوفوا المكونات بسيطه ازاي
الطريقه
نطحن البسكويت بتاعي كويس
نضيف ليه حته الزبده سايحه وافركهم جامد
ارصه كويس في الصينه بتاعتي وندخلها الفرن لحد ما تتماسك
نيجي بقه للطبقه التانيه
كوبايتين حليب ونضيف ليهم الكريم كراميل وعلي النار لحد ما يغلي كويس
في نفس الوقت نجهز في الخلاط بتاعي
بسكويت انا حطيت ( 17 واحده تقريبا )
ومعلقه صغيره نسكافيه
نضيف القشطه بتاعتي
وبعدين الكريم كراميل المغلي
نضربهم كويس في الخلاط ونضيفهم لطبقه البسكويت بتاعتي
شوفوا الطبقات باينه اهي
نرش شويه كاكاو علي الوش لو مش موجود ساعات بضيف نسكافيه مطحون ناعم
وده شكلها
ندخلها التلاجه تجمد وهي اصلا بسرعه هتجمد معايا مش هتاخد وقت خالص
وزووم عليه
هنا بعد التقطيع شوفوا
ودي اول قطعه للفتوكه الحلوه اللي هتقيم هترد بس مالهاش حاجه هههههههههه
وهنا كمان
شوفوا شكلها حلو ازاي
وهنا قدمتها مع القهوه العربي
ها شفتوا اسهل من كده
وبجد يابنات طعمها جمييييل ومش بتاخد وقت خالص مالص
يارب حلو النهارده يكون عجبكم واتمني تجربوه ويعجبكم
يلا ياحلوين عاوزه بقه ردودكم الحلوه والتقييم لو الموضوع يستاهل
وفي مواضيع كتيره في توقيعي ان شاء الله تعجبكم
في امان الله ياقمرات
منتديات نساء نت :: 
من مطبخي بالصور اسهل واسرع تشيز ممكن تعمليه والطعم ايه خطييييييير ***
บ้าน 
Wed Feb 27, 2013 8:59 pm
