السلام عليكم ورحمه الله
النهارده عملت بلح الشام من عجينه الشو وعملت بروفترول كمان منها
ندخل عالمقادير =

1 ك ماء -- 1/2 ك زبده او زيت -- م ص ملح -- 1/2 1 ك دقيق-- م ك بكنج بودر-- 4 بيضات-- زيت للقلى
شراب سكرى =
2 ك سكر + 1 ك ماء + ع ليمون + فانيليا

الطريقه=نحضر الشربات الاول على النار السكر والميه تغلى ونضيف ع الليمون عليها وتغلى ثم ترفع من على النار ويترك جانبا يبرد





فى كسروله استانلس نحط الميه والزيت او الزبده على النار مع الملح واول ماتغلى نضيف كميه الدقيق والبكنج بودر المنخولين جيدا عليهم ونقلب بسرعه حتى يتداخل الجميع مع بعض وتتكون كتله واحده من الدقيق تترك جوانب الكسروله ثم يرفع من على النار وتترك تبرد تماما

يضاف البيض على الخليط بالتدريج مع الخلط بالعجانه حتى ينتهى كميه البيض ويحضر كيس البلبله الخاصه
بعمل بلح الشام ويحضر زيت بارد نخلى بالنا بارد مش ساخن ونشكل فيه بلح الشام ثم يرفع على النار
ويحمر من الجهتين ثم ينشل على ورق المطبخ لامتصاص الزيت ثم يوضع فى الشربات ويقلب فيه ثم
ينشل فى مصفاه ثم يقدم فى طبق التقديم



وكمان عملت منه شويه بروفترول وسويته بالفرن بس ماكنش عندى شيكولاته علشان اسيحها واصبها فوقه
لكن حبيت اعرفكم انه ممكن من عجينه الشو تعملى بروفترول كمان










يارب تكونوا استفدتم وارجوا منكم التقييم والدعوه لى بالستر والصحه
ودمتم فى رعايه الله
والسلام عليكم ورحمه الله وبركاته