حبايبى الحلوين الطعمين اللى دايما منورين
وحشتونى كلكم

النهارده باذن الله هانشوف نوعين من حلا الشوفان
وكمان هنتكلم عن فوايده العديده والمفيده
وكمان عاوزة اشوف مشاركاتكم بافكاركم الجميله للشوفان عشان نشجع الكل على استخدامة
وخاصة ان فيه ناس كتير مش عارفاه او مش عارفه تعمل بيه ايه غير الشوربه
وان شاء الله يكون موضوع مفيد للجميع و نستفيد من بعض بافكارنا وتجاربنا المختلفه

نبدأ على بركة الله
ونقول بسم الله



اولا :

** حلا الشوفان بالبسكويت **
:::::::

الوصفه دى حصرية لانى جايباها من كتيب ميموريز بييجى مع علبة البسكويت
وطعمها راااائع ومقرمشه شويه تشبه كتير لطعم بسكويت جوفريت فاكرينه ؟؟


وده شكلها من الكتيب طبعا احلى من اللى عملتها بكتير فى الشكل


وده الشوفان وافضل الانواع هو كويكر اوتس

المكونات :
2باكيت بسكويت 165جم للباكيت الواحد
1/2 كوب دقيق + 1/4 كوب سكر
2كوب شوفان + 2 م ك جوز الهند
50 جم زبده +1 م ص بيكربونات الصوديوم
ربع كوب ماء مغلى +2 م ك من شراب الذرة او عسل النحل



- يطحن البسكويت جيدا ويخلط مع كل المكونات الجافه
( الشوفان -السكر -الدقيق - جوز الهند )



انا استعملت عسل نحل لان مش عندى شراب الذرة


تخلط المكونات السائله والزبده المذابه مع بيكربونات الصوديوم وتضاف للمكونات الجافه
وتعجن باليد حتى تتجانس
الخليط بيكون مفرول مش متماسك


يفرد الخليط فى صينيه الفرن المدهونه بالسمنه (صينيه مدورة او مستطيله )
وتقطع الى مستطيلات او مربعات
ثم تدخل الفرن الساخن 20 دقيقه تقريبا حتى تكتسب اللون الذهبى
هنا قبل الخبز ومش صورتها بعد الخبز معلش


بعد الخبز بتقطعيها كويس لما تبرد

لو عندك مريض سكر تكتفى بالخطوة الاخيرة

اما لو تحبي تكملى يبقى نغطي نصف البسكوته بالشوكولاته السايحه بالشكل ده

توضع على ورق الزبده حتى تجمد ونكرر حتى الانتهاء من الكميه






ممكن تزيين الوجه بالمكسرات المفرومه او الفارماسيلا وجوز الهند حسب الرغبه
او ساده
وهنا شكلها من قريب


نقدمها بالشكل ده وبتكون حلوة فى الفطار وخفيفه جدا وفيها قرمشه خطييييرة
وريحتها محمصه شويه وده غير فايدتها كمان والطاقه اللى بتمدنا بيها
يعنى تعمليها لاولادك كوجبة خفيفه


والله يا بنات شكلها مظلوم لان طعمها هااااااايل وزوجى كان بياخدها الدوام
ويفطر بيها من كتر ما عجبته ماشاء الله



zooooooooooooooom









ان شاء الله تكون عجبتكم وتجربوها باذن الله
لانها فعلا صحيه وجميله وتستحق التجربه

انا تعبت جدا فى الموضوع وكل هدفى الافاده للجميع واتمنى تقدروا وتقيموا
وتكملوا معايا بافكاركم وتجاربكم فى الشوفان ووصفاته المتنوعه

وتابعونى هنكمل وصفات اخرى ان شاء الله المشاركة الجايه