اللهم صل علي سيدنا محمد وعلي اله وصحبه وسلم كل عام وانتم بخير يا فتوكاتي بمناسبة المولد النبوي الشريف حلويات المولد في منها انواع سهلة جدا وممكن تتعمل في البيت وانا شخصيا بحب اعملها ومن اكتر الانواع اللي بحبها السمسمية والفولية والملبن ولما اخواتي الفتوكات طلبوا مني الطريقة وعدهم اني اصورها المرة دي وانزلها وهي في منتهي البساطة ونبدأ بالسمسمية مقادير السمسمية :
نص كيلو سمسم محمص ونفرده في صينية ونحطه في الفرن علشان يكون دافي اثناء العمل (خطوة مهمة جدا)
150جرام سكر +150جرام عسل جلوكوز
يعني حوالي نص كوب سكر واقل شوية من النص جلوكوز
حبة مية صغيرين اوي اقل من ربع كوب
(الجلوكوز موجود بالكيلو في محلات بيع لوازم الحلويات)
الطريقة:
نحط السكر والجلوكوز والمية في طاسة واسعة
نحطهم علي النار لغاية ما يغلوا
يوصلوا للمرحلة انهم يعملوا الشكل دة (خيوط من السكر بين الشوكتين وهو المفروض بين الاصابع بس طبعا بيكون سخن جدا)
وبسرعة نحط السمسم الدافي ونقلب كويس
نكون مجهزين صينية او قالب مدهون زيت ونفرد فيه السمسمية بالنشابة او بضهر معلقة مدهونة زيت
دة شكلها بعد الفرد
هي هتتماسك بسرعة واقلبها
احاول اقطعها وهي لسة طرية شوية علشان متتكسرش اثناء التقطيع
ودة الشكل النهائي لها
الفولية هنعملها بنفس المقادير والطريقة دة شكلها قبل التقطيع
ودة شكلها بعد ما قطعتها
وطبعا بنفس الطريقة ممكن نعمل الحمص او البندق او الفستق او اللوز
الملبن في المشاركة الجاية ان شاء الله
منتديات نساء نت :: 
حلاوة المولد من جوجو نونو (سمسمية -فولية-ملبن)كل عام وانتم بخير
บ้าน 
Wed Feb 27, 2013 8:59 pm
