صلوا على النبى ياحبايبى واخواتى الفتوكات ياشطر ستات وبنات النهاردة انا جيبتلكوا طريقة الحلاوة الطحينية الجميلة وبجد وعلى مسؤوليتى انضف والذ 100000000000000000مرة من الجاهزة بس دة اول موضوع ليا ومحتاجة اسمع بس ردودكوا وتعلقاتكوا

نبتدى الاول بصورة للاغراء

نخش بقى على المقادير وهى ابسط مما تتخيلى وفى كل بيت

1 كوب دقيق

1 ونصف كوب سكر بودرة (مطحون ناعم جدا )

1 كوب طحينة ( وعلية ذرة فانيليا )

معلقة سمنة او زبدة ( اختياااااااااارى )

سودانى ومكسرات (على حسب امكانياتك )

نخش بقى على الطريقة

اولا بنحط الدقيق على نار متوسطة مع التحريك المستمر

بعد منشوح الدقيق لفترة بسيطة ومن غير ماياخد لون نضيف على طول السكر ودة لون الدقيق

ونضيف الفانيليا على كوباية الطحينة اللى هيا تقريبا ربع كيلو

مننساش نقلب كويس فى كل خطوة وخاصة الخطوة اللى جاية بعد مانضيف كوباية الطحينة

حاولى تخلى الخليط متجانس

مش هنسيبة كتير على النار

ممكن نضيف معلقة زبدة او سمنة بعد مانخلص ودى بتخلى الحلاوة تلمع وغنية اكتر

بعد كدة هنضيف المكسرات ىجوة الخليط اللى هيكون سايل شوية ........... متقلقيش

نيجى بقى للخطوة الاخيرة هنفرد كيس نايلون فى اى قالب تحبى ان الحلاوة تاخد شكلة

وطبعا نحط فى القعر المكسرات ................................ولا هتحمرقى

ونصب فية الخليط ونسيبة يبرد وندخلة التلاجة لحد مايبرد خاااااااااااالص

ودة شكلة بعد ماطلع من التلاجة

نقلبة فى اى طبق وممكن نغلفة بالسوليفان او نحطة فى علبة فى التلاجة]

ودة الكل النهائى......................... يممممممممممممممممم مدى ايدك

ااااااااااااااااااااخر حلاوة.............. على فكرة انا هفضل متمسمرة ولازقة وشى فى الكمبيوتر لحد متوصلنى ردودكوا وتعليقاتكوا لانى بجد عاملة الموضوع دة علشان خاطر عيون حبيباتى الفتوكات وادعولى بالذرية الصالحة وربنا يرزق جوزى ويخلى جودى ورودى .......... اية دة انتوا رغاييين كدا لية؟ ياختتتتتتى باااااااااااااااااااااااااااي