ازيكم يا احلى فتوكات واحلى ستات بيوت
النهارده جيبلكم حلو انا بحبه اوووووي هو سهل بس كذا خطوه بس بيتعمل علطول متقلقوش
انا معرفش اسمه ايه صراحه بس مش مهم المهم الطعم هنعمل ايه بالاسم يعني
بس امانه الي يعجبها الموضوع تقيم عشان تعبت فيه وابني مش مبطل زن هههههه
على فكره حماتي حبته اوي وكانت بتطلبه مني يالا ياشطوره منك ليها اعمليه لحماتك وابسطيها
يالا نبتدي باسم الله
هيا 3 طبقات
دي المقادير كلها
باكو وشويه بسكوت ساده اولكر او ميموريز
كوب لبن
نسكافيه
3 معالق زبده
نص كوب سكر
علبه قشطه كبيره او اتنين صغيرين
3 معالق لبن بودره
6 قطع جبنه كيري او المراعي او اي جبنه بالقشطه
تلات اربع علبه حليب مكثف محلى
الطبقه الاولى
نحط كوب لبن على معلقتين صغرين نسكافيه ونبل فيهم البسكوت ونرصه في الصنيه طبقتين فوق بعض 
الطبقه التانييه ودي مقادرها
نحمر اللبن البودره على النار في حله تيفال من غير اي حاجه لحد مالونها يبقى زي الرمل كدا واوعي يتحرق
ونركنه على جمب خمسه كدا 
نروح بقى للخلاط بتاعنا ونحط فيه الزبده والسكر والقشطه ونضربهم كويس كويس وبعدين نضيف عليهم اللبن البودره ونضرب كويس
اوك كدا هنحط الخليط على البسكوت
هو بيبقى متماسك شويه عن الصوره بس معرفش ايه الي جراله المره دي يالا خير
الطبقه التالته ودي مكونتها
الجبنه والحليب المكثف المحلى هنخلطهم كويس في الخلاط ونحطها على الطبقه الي فاتت ونساويها بالراحه
على الوش بقى نحط شويه من اللبن بالنسكافيه الي غمسنا فيه البسكوت ونحطه على الوش حاجه بسيييطه مش كتير
ودا شكلها
وبعد كدا نحطها في التلاجه عشان تمسك نفسها كويس
وهنا طلعت من التلاجه انا سبتها حوالي 4 ساعات ممكن تسبيها كتير كل ماتطول كل متمسك اكتر
ودي صورتها بعد التقطيع معلش اصلي فاشله في التقطيع شويه يارب الموضوع يعجبكم واوعووووو تنسو التقيم
وجربوه وان شاء الله يعجبكم
بحبكم يافتوكات
منتديات نساء نت :: 
ترامسيو دا ولا تشيز كيك ؟ مش مهم المهم الطعم جنان وبالصووور
บ้าน 
Wed Feb 27, 2013 8:59 pm
