ازيكم يا حبايبى يا فتوكات حبيت اقول لكم على الوصفة الجميلة دى
هى سهلة و سريعة و حلوة فى نفس الوقت
و المقادير هى نص كيلو جلاش - كيلو تفاح - نص كوب سكر - كيس فانليا - شوية قرفة
و دى صورة المقادير

و اول حاجه نعملها نقشر التفاح و نقطعه صغير و نحط عليه السكر و الفانليا و القرفة
و نبدا ندهن الجلاش سمنة و نحط التفاح حوالى معلقتين فى الصابع و نلفه بالشكل ده



و نحط الجلاش فى فوطة مبللوة شوية مياه كده علشان مش ينشف ممنا و احنا بنعمله

و بعد ما نلف الكمية كلها ندخله الفرن على درجة حرارة 180 حوالى نص ساعة
و اما يطلع من الفرن نكون عاملين شربات حوالى 2 كوب سكر و 2 كوب ماء و نقطتين لمون و كيس فانليا
و ده شكله النهائى بعد ما حطيت الشربات عليه و الشربات يكون بارد
لو عجبكم الموضوع عايزة تقيم جامد جدا ههههههه

و دى صورة كمان للحبايب