أقسام الطبخ

تاريخ التسجيل : 05/02/2013

يلا ادخلى ياللى بتقرى العنوان!!ايوة انتى*_^

ازيكوا يا فتوكات؟؟عاملين ايييييييه فى التلج ده؟؟ اكيد طبعآ عاملين كده زيى

كل سنة وانتوا طيبين وان شاء الله تكون سنة سعيده عليكوا

النهارده جبتلكوا طريقتى فى كب البسبوسه بس ايه تحففففففففففففف ه ان شاء الله تعجبكوا... نبدأ:
المكونات:كيس بسبوسة جاهزه
علبة زبادى
3 م ك سمن
قليل من الماء(اقل من ربع كوب)
نص م ص باكينج بودر(نضيفها اخر حاجه)
الشيره(الشربات):كوب ونص سكر+2 كوب ماء
الطريقه:اولآ:هنعمل الشربات هنضيف السكر والميه فى حله ونسيبها ع النار واول ماتيجى تغلى نضيف ليمون وفانيلا
وانا بحط(نص معلقة سمن كمان بتخليها جميله) بس ابقى اطلبى الاسعاف

ونطفى عليها ونسيبها تبرد
وبعدين نخلط جميع المكونات البسبوسة والزبادى والسمن ونضيف الميه واحده واحده
لغاية ما العجينة تتظبط بس ماتبقاش سايبه
معلش بقا انا مكنتش قادره اصور المكونات علشان ايديا مكانتش فاضية
المهم ياحلوين والله لو انتي شايفة كده ماشي

هنجيب قوالب السيليكون ونوزع فيها اوراق البليسيه زى كده

وبعدين نجيب بولة ايس كريم ونوزع معلقه فى كل قالب

ملحوووووووظه:: بعد مانوزع البسبوسة فى الاوراق امسحى ايدك
بمية خفيفة واضغطى على البسبوسه علشان تطلع متساويه(وبردو لفرد اى عجينه)
اى خووووودعه كوول

وبعدين دخليها الفرن ع درجة عالية وبعد 5 دقايق وطى عليها واول ماتطلع
وهى سخنة اسقيها بالشربات وغطيها لغاية ماتبرد وبعدين ع التلاجه ....ورشيت عليها جوز هند الوان