صباحكم ومساكم فل وياسمين يا احلى فتوكات
يارب تكونو فى احسن صحه واحسن حال
اول مره ادخل قسم الحلويات ويارب موضوعى يعجبكم
طبعا كلامى للمبتدئات هنا ما شاء الله فى اساتذه ودكاتره كمان
عملت كنافه محمره سهله وسريعه وعندى العيال بيحبوها جدا

كفايه رغى وهنزل بالصور على طول

نصف كيلو كنافه
معلقتين كبار سمنه بلدى
ومكسرات على حسب الرغبه
للسيرب
2كوب سكر
1 كوب ماء
عصير نصف ليمونه
باكو فانيليا
حطى السكر والمية ومتحركيهوش بالمعلقة خالص ولما يتقل
حطى الليمون والفانيليا يغلى دقيقة واطفى علية

هاتى حله وحطى فيها السمنه وسيحيها

بعد ما تسيح حطى الكنافه بعد ما تقطعيها صغيره
بس انا كنت مستعجله مقطعتهاش قوى

وايدك فيها على طول تفضلى تقلبى علشان بتلسعهاش تبقى كلها لون واحد
كدا بدئت تلون معاكى

استنى لحد ما لونها يبقى دهبى
كدا الكنافه خلصت اطفى النار وهاتى السيرب يكون دافى مش سخن ولا بارد
وحطيه على الكنافه وهى سخنه وقلبى بسرعه
وحطى الكنافه فى صينيه مناسبه للكميه واضغطى عليها كويس علشان تقدرى تقطعيها
وبعد ساعه تقدرى تقطعيها وتقدميها

وحطى على الوش اى مكسرات بتحبيها جوز هند لوز سودانى
انا عملتها ساده عيالى مش بيحبوها بالمكسرات بيشيلو المكسرات ويرموها

وكدا انا خلصت واتمنى انى اكون قدرت افدكم بحاجه صغيوره زى ما استفدت منكم كتيير

ودى كانت نهايه الكنافه وبالف هنا على قلوبكم يا حبيباتى