ازيكم يا احلى فتوكات في الدنيا
انا اول مره اعمل موضوع في قسم المطبخ رغم اني شاطره بس يالا بقى هههههه
النهارده هقولكم على طريقه حلو سهل اوي وصراحه معرفش اسمه ايه انا مسمياه بسكوت بالشيكولاته بس هيعجبكم ان شاء الله
ويالا بينا نتبدي
بسم الله
المقادير :
ربع كوب زيت
نص كوب سكر
نص كوب لبن
3معالق كبار كاكاو خام
بيضه وشويه فانيليا وشويه جوز هند
بكو بسكوت شاي اولكر او ميموريز الي عندك بس باكو كبير او اتنين صغيرين
الطريقة :
اول حاجه هنكسر البسكوت في بوله كسرات وسط لاكبير ولا صغير زي كدا
وبعد كدا هنجيب الخلاط بتاعنا ونخلط كل المقادير سوا ماعادا البسكوت طبعا
تمام كدا خلطناهم كويس هنضفهم بقى على اييييييييه؟؟
اكيد يعني على البسكوت المتكسر
ونقلب كويس كويس كويس تمام كدا؟
هنجيب بقى ورق فويل ممكن 3 ورقات عشان الخليط هيبقى كتير على ورقه
هنجيب ورقه صغيره من الفويل ونحط شويه من الخليط عليها ونوزعه على شكل اسطوانه زي كدا
وبعدين نلف الورق كويس ونضغط من الجوانب ونبرمها كويس ونقفلها من الجنبين على شكل بونبونايه
وبعديييييييين بقى هنوديها فييييييييييين؟؟؟؟
اكيد على الفريزر تتجمد حوالي 3 ساعات او يوم او تنسيها خالص براحتك يعني
تاتاتاتااااااااا هنا طلعت من الفريزر
هنجيب بقى شويه جوز هند او مكسرات او فارماسيه الي عندك
انا كان عندي جوز هند هنقلبها في جوز الهند من كل النواحي
وبعدين بقى نقطعها حلقااااااااااااات ونقدمها في وقتها او نقطعها ونحطها في التلاجه متسبيهاش بره هتسييييييح
ودا احلى طبق للفتوكات
يارب الموضوع يكون عجبكم وبجد سهله اوي وجديده
واوعو تكسفوني ومتقيموش دانا طلع عيني في تصغير الصور
منتديات نساء نت :: 
شيكولاته بالبسكوت بسكوت بالشيكولاته؟؟؟ مفيش اسهل من كدا وبالصور
บ้าน 
Wed Feb 27, 2013 8:59 pm
