النهاردة يا فتوكات جبتلكم صينية بسبوسة طرية جداااااااااا
المقادير
اولا المقادير الجافة
نصف كيلو دقيق سميد +معلقة صغيرة بيكنج بودر عادية مش مليانة قوي نصف معلقة صغيرة مسح دقيق عادي
+2 معلقة كبيرة جوز هند او 50 جم
المقادير السائلة
3/4 كوب سكر +2/3 كوب ماء +1/4 كوب عسل نحل+
1/4 كوب سمن سائل
وده شكل الكوب بيوازن 200 جرام
الطريقة السهلة جدا
وهنا نضع العسل +السكر+السمن+الماء
ونقلب بمضرب تقليب عادي او بمعلقة
مش مهم السكر يدوب كده
وناخد السوائل ونضعها علي الدقيق
وباطراف الاصابع نخلط فقط بخفة وبسرعة
مجرد خلطها فقط
مش هنعجنها ولا نبسها علي طريقة
ماما بثتلي بسبوسة بالسمن والثكر 
وعشان قلبناها باطراف الاصابع وبخفة هتلاقوها مفرولة زي الصورة
بلاش نعجنها كتير
طبعا نكون مجهزين صينية مدهونة سمن زي كده
ونضع البسبوسة في الصينية وعلي حسب الرغبة
ممكن نزينها بمكسرات او سادة
انا زينتها بانواع مكسرات من خيرات رمضان
طريقة الشربات او القطر
هو بيكون خفيف لازم فعلا ما يبقاش تقيل
وبالنسبة للشربات كالتالي
3 كوب سكر + 3 كوب ماء +نصف ليمونة
بس اهم حاجة يكون شربات خفيف مش تقيل
نتركه يغلي لمده 10 دقايق ثم نهدي النار لمدة 1/3 ساعة اخري
ثم تضاف الفانيليا
هيكون خفيف وهو ده المطلوب وطبعا نضع عليه الفانيليا
طريقة التسوية
نسخن الفرن ربع ساعة واحنا بنعملها
وندخلها علي 180 درجة او فرن هادي
وهتلاقوها احمرت من تحت والجوانب بعد 10 دقايق
نطفي الفرن ونولع الشواية نحمر وشها
بصوا كده هنا احمرت من الجوانب ومن تحت
وطبعا نكون مجهزين الشربات او القطر
واثناء تحمير البسبوسة نغليه تاني لازم يكون سخن
والبسبوسة تكون سخنة ونسقيها بالعسل
ونكون طفينا الفرن وندخلها 10 دقايق تاني الفرن وهو مطفي تتشرب
ده شكلها بعد ما استوت
وهنا سقيتها بالشربات طبعا حسب الرغبة
انا سقيتها حوالي 3/4 الكمية انتوا علي حسب حبكم للسكريات
مين عاوز يدوق ويحللي
حلاوتها بالفزدق
الله عليها بالقشطة
افتري افتري
اتمني تكون عجبتكم وتجربوها
طرية فعلا وطعمها جميل ونقول وداعا للبسبوسة الناشفة 
بصوا بقه لو عجبتكم البسبوسة ما تنشوش التقييم جزاكم الله خيرا 
ودي تجارب الاخوات
باااالف هنا وعافية على قلوبهم
في المشاركات دي
منتديات نساء نت :: 
من مطبخ فريدة بسبوسة طرية جدااااااااا وتحدي
บ้าน 
Wed Feb 27, 2013 8:59 pm
