ازيكم يابنوتات طبقنا انهاردة لذيذ وحلو هو الكنافة بالكريمة
ايه رائيكم نشوف صورة عشان تفتح نفسنا للكلام
ندخل فى المكونات والطريقة
{2}كوب لبن
{3}شيرة اوشربات نسقى بيها الكنافة
{4}3 معالق نشا وكيس فانيليا
{5}معلقتين سمن بلدى
{6}معلقتين سكر لتحلية الكريمة
اولا هنجهز الشربات انا بعمل كوبايتن سكر وكوبايتن ماية ونصف ليمونة ثانيا اجهز الكريمة وهى بضيف ال3 معاق نشا لكوب اللبن واحطهم على النار ومعاهم معلقتين السكر واقلب لحد مايمسك قوامها اطفى النار اقطع الكنافة واقلبها مع معلقة سمن بلدى ومعلقة سكر
نحضر الصنية اللى هنعمل فيها ونسيح معلقتين السمن البلدى
ندهن الصنية بالسمن وننزل الكنافة قطعة قطعة ونضغط بايدنا عشان نساوى الكنافة فى الصينية ونقسمها نصين
نرش عليها شوية سمن سايحة وبعدين ننزل عليها الكريمة ونفرده بس خدى بالك مش لاخر الصنية عشان ماتوصلش للحروف وتتحرق فى السوا تخليها قبل الحروف بالشكل دة عشان لما نكمل باقى الكنافة هتغطى عليها وماتوصلش للاطراف
ونكمل باقى الكنافة بردة حبة بحبة لحد ماتخلصىيها وتضغطى بايدك وتساويها وانتى بتلفى بالايد التانية تمام وترشى معلقة سمن على الوش
وتدخليها الفرن تكونى مسخناه من 5 دقايق وخدى بالك من سواها اول ماتلاقى الحروف احمرت يبقى هى كدة استوت من تحت وتجيبى صنية مسطحة او غطا وتحطيه على الصنية وتقلبيها وتدخليها تانى يحمر الوش التانى واول ماتطلع تصوبى عليها الشربات وتسبيها شوية تتشرب عسلها وخدى بالك لازم الشربات يكون بارد والكنافة تكون سخنة عشان تشرب عسلها ماشى ولما تهدا وتبرد قطعيها بالطريقة اللى تعجبك كدة انا خلصت اى سؤال تحت امركم
منتديات نساء نت :: 
كنافة بالكريمة روووووووووووووعة مع نعمة من ربى
บ้าน 
Wed Feb 27, 2013 8:59 pm
