أقسام الطبخ

تاريخ التسجيل : 05/02/2013

○◘♠ panna cotta ○◘♠ بانا كوتا ايطاليه ♠♣○

ازيكم يا بنوتات وامهات وزهرات فتكات
وحشتونى جدااااااااااا

النهارده موضوعنا سهل وخطواته بسيطة
ونتيجته هااااايله باذن الله
تعالوا شوف

panna cotta- بانا كوتا ايطاليه
(كاسترد ايطالى)

○◘♠ panna cotta ○◘♠ بانا كوتا ايطاليه ♠♣○

خلاص كده اتشوقنا للوصفه ندخل على المكونات

2كوب كريمة سائله -2 كوب حليب سائل
2 م ك جيلاتين بودرة -1/2 كوب سكر(اكتر او اقل)
1 م ك فانليا سائله او بودرة - جيلى حسب الرغبه
○◘♠ panna cotta ○◘♠ بانا كوتا ايطاليه ♠♣○

اولا يا عسولات فيه حاجه مهمه
الكريمة اساسي ولا يمكن استبدالها ولكن
يمكن تقليل الكميه ولاحظت ان شيفات كتير اجانب عملوها بمقادير متفاوته
منهم اللى بيعملها بالكريمة خالص بدون حليب
ومنهم اللى بيخلط كوب كريمة مع 2كوب حليب
او العكس 2كوب كريمة و1كوب حليب
وانا عملتها بمقدار متساوى زى شيف ايطالى
وطعمها كريمى ولذيــــــــــــــــــــــــــــــــــذ مهما اوصف مش كفايه بصراحه تعالوا نكمل واسكت احسن هههه

الطريقه سهله جدا كانك بتعملى مهلبيه بس بدل النشا جيلاتين
نخلط الحليب والكريمة والسكر ونرفعهم على النار
○◘♠ panna cotta ○◘♠ بانا كوتا ايطاليه ♠♣○

ننقع الجيلاتين ب ربع كوب حليب ساخن 5دقايق

○◘♠ panna cotta ○◘♠ بانا كوتا ايطاليه ♠♣○

نحرك مزيج الكريمة باستمرار ونضع الجيلاتين المذاب ونقلب 10 دقايق على نار هاديه ونطفى ونضيف الفانليا ولو لاحظتى ان الجيلاتين موجود صفى الخليط
بس كله بيدوب من الحراره ان شاء الله ويختفى خالص
○◘♠ panna cotta ○◘♠ بانا كوتا ايطاليه ♠♣○

نوزعه مباشرة فى اطباق الومنيوم او كاسات او قوالب سيليكون
المتوفر عندك وندخلها التلاجه بعد ماتبرد لمده 5ساعات او ليله كامله ويكون افضل
○◘♠ panna cotta ○◘♠ بانا كوتا ايطاليه ♠♣○

انا احتفظت بالثلث الاخير من الخليط وحطيت معلقه نسكافيه وقلبته كويس ووزعته ف القالب ودى كمان طريقة لشيف اخر عملها كلها بالسكافيه
○◘♠ panna cotta ○◘♠ بانا كوتا ايطاليه ♠♣○

ودى الكميه اللى طلعت بس الكاس والطبق الالومنيوم حجمهم كبير والقوالب وسط
○◘♠ panna cotta ○◘♠ بانا كوتا ايطاليه ♠♣○

كنت عاوزة اعمل كزا شكل عشان كده واحد فاضى وواحد مليان ههههه
○◘♠ panna cotta ○◘♠ بانا كوتا ايطاليه ♠♣○

كده خلصنا ال بانا كوتا وهنقول افكار تانيه
وهى انك ممكن تعملى نفس الخليط بالشوكولاته
وذلك بتذويب الشوكولاته ووضعها على نفس مزيج الكريمة ونوزعها فى الاطباق
وممكن بالفراوله
نفس الفكرة بس بتحطى عصير فراوله مركز بدل الحليب مع كريمة على النار ونكمل نفس الخطوات
ممكن تعمليها بنفس المقدار وتحطى لون

لكن الاصل انها بيضاء صافيه وناعمه وقشديه وتتقدم حواليها صوص فراوله او شوكولاته او مانجا بوريه
مع فاكهه فريش حسب الرغبه
وطبعا ممكن تقلبيها او تقدميها ف الكاس لكن الاصل انها تقلب وتقدم

انا شوفت الطريقه دى فى موقع نستله وعجبتنى اوى
وكانت الفكرة ان ثلثين القالب بانا كوتا والثلث الاخير جيلى الليمون الاخضر طبقتين فوق بعض
يعنى تحطى الاول الخليط ولما يتماسك حطى جيلى ولما يتماسك تماما طلعيه م القالب وقدميه
بس عشان مليت القوالب للنهايه عملتها بشكل تانى

على النار وضعت:
1م ك جيلى -1م ك نشا -2 م ك سكر -نصف كوب ماء وتقلبى باستمرار ربع ساعه وتطفى
○◘♠ panna cotta ○◘♠ بانا كوتا ايطاليه ♠♣○

وهيكون بالشكل ده واعملى اى جيلى تحبيه
الاول بيكون سائل وكل ما يبرد هيتقل اكتر
والافضل تعمليه ف الاخر قبل التقديم بساعه عشان تعرفى توزعيه على البانا كوتا
○◘♠ panna cotta ○◘♠ بانا كوتا ايطاليه ♠♣○

بعد 5 ساعات بقت جاهزة الحمد لله
هضغط القالب من تحت ونخرجها بالراحه فى طبق التقديم
○◘♠ panna cotta ○◘♠ بانا كوتا ايطاليه ♠♣○

شايفين شكلها حلوة ازاى وبياضها نااااااصع هههههه
○◘♠ panna cotta ○◘♠ بانا كوتا ايطاليه ♠♣○

وزعت الجيلى الاخضر حوالين بانا كوتا وف وسط الورده
○◘♠ panna cotta ○◘♠ بانا كوتا ايطاليه ♠♣○

وهنا مع جيلى الفراوله بنفس الطريقه السابقه
○◘♠ panna cotta ○◘♠ بانا كوتا ايطاليه ♠♣○

بانا كوتا النسكافيه قدمتها مع صوص هيرشي ( شوكولاته سائله جاهزة )وحطيت قلب شوكولاته عملته
○◘♠ panna cotta ○◘♠ بانا كوتا ايطاليه ♠♣○

وهنا مع حبيبات النسكافيه لقيت شكلها اجمل والنعناع ادالها انتعااااااااش زست ههههه
وبعد شويه النسكافيه بيدوب ويبقى سائل وجميل
○◘♠ panna cotta ○◘♠ بانا كوتا ايطاليه ♠♣○

يتبع حبيباتى

لا تقرأ وتـــــرحل .. اترك رد او نقــــــــد

واذا اعجبكم موضوعى قيموه بقدر ما يستحق

اللهم صل وسلم وبارك على اشرف الخلق
سيدنا محمدا وعلى اله وصحبه وذريته اجمعين

أقسام الطبخ

الحلويات الشرقية والغربية

○◘♠ panna cotta ○◘♠ بانا كوتا ايطاليه ♠♣○

○◘♠ panna cotta ○◘♠ بانا كوتا ايطاليه ♠♣○