دجاج بالفرن من مطبخي وبالصور - طريقة عمل دجاج بالفرن بالصور
دجاج بالفرن من مطبخي وبالصور - طريقة عمل دجاج بالفرن بالصور

بسم الله الرحمن الرحيم،


السلام عليكم ورحمة الله وبركاته،


شخباااااااااااااااركم عسااااااااااااكم بخير وبصحة وعاااافية، طبخة لذيذة وسهلة،



الدجاج بالفرن


نبتدي بالمقادير


دجاج متبل من الليل (مقادير التتبيلة: روب+سنوت+جلجلان+ملح+فلفل أسود+إشوية بهارات مخلوطة+رشة زنجبيل مطحون)
بطاطس مقطع شرائح عاصرين عليهم ليمون
طماط مقطع شرايح
جزر مقطع طوالي
بصل مقطع طوالي
ثوم مقطع طوالي + ثوم مفروم فرم ناعم
بروكلي
ملعقتين زيت زيتون
(كلاص جبن صغير فيه ملعقتين صلصة طماط مذوبينها في ماي دافي)








الطريقة


1- أول شي ناخذ البايركس ونصف الآلو فيه كأول طبقة، وفوق الآلو نصف الطماط بالتساوي مثلما تشوفون بالصورة







2- بعدين إنصف البصل والثوم فوق الطماطم، ورشي إشوية ملح وفلفل أسود في هالمرحلة







4- بعدين خلي الدياي مثلما تشوفون، وإخذي الثوم ودهني فيه سطح الدياي، لا تخافون بختفي الثوم تماما ولا راح يبين، وصفي الجزر والبروكي، وبعدين رشي فلفل أسود، وآنا خليت حبات هيل لأن المطحون يخليه إيصير إشوي أسود، وصبي على عدال مخلوط الصلصة والماي






5- بعدين صكيه بورق ألمنيوم وخليه بفرن حامي من قبل، وشغلي بس التحتي، وخلي النار هااادية والطبخة إتصير على راحتها،


ولما إتطلعينها راح تكون بهالشكل بالصورة ذي






كانت صح صح طبخة لذيذة، بشهادة اللي كلوا


(العيش الأبيض واللي مطبوخ على أصوله، خليت فوقه بصل محموص + زوريش (حب رمان إيراني ))حامض)



دجاج بالفرن من مطبخي وبالصور - طريقة عمل دجاج بالفرن بالصور
دجاج بالفرن من مطبخي وبالصور - طريقة عمل دجاج بالفرن بالصور

المصدر: منتديات شبكة حياة - من قسم: أطباق رئيسية