: اي واحده ب.................

السلام عليكم ورحمه الله وبركاته

يارب تكونو في احسن حال يا اغلى صحبه


دا مش كلامي


دا ابن عمي

كان قاعد معانا في بيت جدي وجاله تليفون رد وهو قاعد معانا وكان رده ع قد الكلمه وبيتسهوك كدا
بعد ماقفل
فعمتو قالتله دا صوت بنت

احنا سامعين صوت بنت

قالها اه دي واحده بحبها وبتحبني وكدا

فقولتله طيب كدا قربنا نقولك مبروك

عمتو قالتلي مبروك ايه دا لسه مش جاهز

هو : اه مش جاهز بس بحبها

قولتله طيب يارب تكون اخترت كويس ان شاء الله

قالي اه هي كويسه

قولتله اهم حاجه تكون متدينه ومحترمه

ردوا بئا صدمنااااااا

ضحك كدا وقال هو فيه واحده تكلم واحد

من ورا اهلها هتكون محترمه برضو !

بصي يا بنت عمي اي بنت تكلم واحد من ورا اهلها وهي نيتها خير دي مش محترمه

قولتله سبحان الله اومال انت بتقول بتحبها

ازاي ولا ليه تقبل ع نفسك تكلم واحده زي

مابتقول مش محترمه

قالي بيني وبينك انا اتعودت ع وجودها و حد

بيهتم بيا ويقولي كلام حلو وبعدين هي مش

محترمه يعني اخلاقها مش كويسه لا هي اخلاقها كويسه

قولتله طيب خلاص اتقدملها ع الاقل بدبلتين

قالي لالا انا مش جاهز خالص

قولتله يا ابني يبئا تسيبها في حالها

قالي والله لو ماكانش عاجبها الوضع كدا ماكنتش قبلت

قولتله طيب بالله عليك انت ناوي تتقدملها بجد

قالي سيبيها لظروفها لما تفرج بئا

قولتله بس انت لازم تتقي الله في بنات الناس

قالي يا حجه بركاتك هو انا بقولك دي اختى

في الله ! دي بتكلمني هي بنفسها وبعدين احنا نيتنا خير ان شاء الله

وسكت شويه وقال كلمه كدا خلتني دمعت ع كل بنت بتعمل في نفسها كدا




قالي انتي معاكي حق ممكن اكون انا متناقض وبضحك ع نفسي

بس اي بنت بتقبل الارتباط دا برضو متناقضه

علشان بتسجل رقم حبيبها ع تليفونها باسم

بنت خوفا من اهلها ومش خايفه من ربنا ولا من ضميرها يبئا هي كمان متناقضه برضو


بعتذر لو طولت عليكو
بس الحوار دا بهديه لكل واحده بتحب واحد

وبتقول انا حاله خاصه انا غير


بهديه لكل بنت رضيت ع نفسها انها تكون ناقصه عن باقي البنات

بهديه لكل بنت بتسجل اسم حبيبها باسم بنت

خوفا من اهلها ونسيت حديث الرسول الاثم

ماحاك فالنفس وخشيت ان يطلع عليه الناس

بهديه لكل بنت فاكره انها تقدر تعاند ربنا ونسيت حديث الرسول من ترك شيئا لله عوضه الله خير منه


انتي مش ناقصه انتي من حقك تردي ع خطيبك اللي دخل بيتكو قدام اهلك كدا ع التليفون مش تجري تردي في البلكونه ولا في الحمام ذي الفران

اسفه لو كلامي جرحك بس دا لاني مجروحه عليكى اوووووي

صدقيني ماعند الله لا يؤتى الا بطاعته

سيبيه فورا وربنا مش هسيبك

بالله عليكو قيمو نفسي كل بنت تفووووووووق لان جوايا ناااااار عليها

استودعك في رعايه الله الذي لا تضيع ودائعه

معلش لاي بنت الكلام استفذها بس ربنا يجعلنا ممن يستمعون القول فيتبعون احسنه

وبالنسبه لحوار ان مش كل الاولاد كدا طيب ايه رأيكو في الايه الكريمه اللي بتقول " ولكن لا تواعدوهن سرا " سوره البقره

وصدقوني كل الاولاد كدا بس هو عمره ماهيقولك ربع كلمه من دول علشان مايزعلكيش طبعا

وسواء كل الاولاد كدا ولا مش كدا دا مش مقياس المهم انتي ترضي ربنا
وياستي ابن عمي دا غلطان اصلا بس المهم انتي
انتي اللي تهميني الراجل شايف انه مش بيخسر قد البنت

انا سعيده بحاله الحوار والنقاش وتقبل الرأي الاخر

بس يابنات احنا مش بنتكلم في موضوع يحتمل الصواب والخطأ وكل واحد حر ف رأيه
لا ربنا حرم ان اي بنت تحب واحد من ورا اهلها يعني خلاص كلام ربنا هو اللي صح
قالى تعالى

"وماكان لمؤمن ولا مؤمنه اذا قضى الله ورسوله امرا ان يكون لهم الخيره من امرهم ومن يعص الله ورسوله فقد ضل ضلالا مبينا "
سوره الاحزاب

وخدي بالك انتي كدا ممكن ينطبق عليكى الايه دي
" ان الذين فتنوا المؤمنين والمؤمنات ثم لم يتوبوا فلهم عذاب جهنم ولهم عذاب الحريق "
سوره البروج

علشان ممكن تكون فيه واحده فكرت تتوب وتبطل تكلم الشاب اللي بتكلمه لكن ردك انتي يخليها ترجع عن توبتها وتقول لنفسها لا ما ممكن صح اكون ذي دي وانتي بكدا تكون فتنتيها

وفي النهايه لا يصح الا الصحيح يابنات وربنا ماحدش يقدر يعانده علينا اتباع امر الله وبس

مواضيع ذات علاقة:

• اي واحده لم تتزوج تعالي
• هي واحده فقط من تستحق حياتك بأكملها2013
• امى بعين واحده
• 2-قالي كنت بعوم في النار
• معانات واحده من الاخوات